Royce - 幼滑朱古力

朋友買咗盒Royce朱古力嚟當餐後甜品，
口味係焦糖味，
買返嚟之後要放晌雪櫃冷藏。

泥黃色嘅正方形包裝紙盒就好似CD盒咁，
打開個盒之後發現原來仲有密封式嘅包裝膠袋，
膠袋入面仲有膠盒包住確保新鮮。

朱古力已經預先切成二十份大小一樣嘅長方形小方塊，
外層表面沾滿咗可可粉以防黏底。

用叉或牙籤拎起，
質感挺身得嚟又有少少軟身，
食起嚟幼滑兼入口即溶，
佢嘅甜度都幾高，
之後就食到可可豆嘅甘澀味，
味道雖然偏甜但唔會太過膩，
口感討好。