貢茶 - 熱飲取暖

啱啱踏入春季初期，
天氣都真係幾反覆，
呢幾日又再次轉冷，
加上開始愈來愈潮濕嘅關係，
雖然同樣係十度左右，
但體感溫度好似反而比乾燥嘅冬季仲低，
感覺好似仲寒冷啲啲咁。

晌街上面行緊，
之後就去咗附近間貢茶買咗杯熱飲嚟飲飲兼取暖。



平日鍾意飲凍嘅珍珠奶茶，
天氣關係呢日決定要熱嘅，
晌街上面一邊拎住一邊飲，
既可以暖手又可以暖胃。

台式奶茶一向都係奶味比茶味突出嘅，
暖暖哋咁飲落好似冇凍飲咁甜，
入面啲珍珠就仍然煙韌有咬口。