嚟到十三樓嘅Green Waffle Diner,
幾鍾意呢度嘅窗邊位,
都可以話幾寧靜。
啱啱係下午茶時段嚟,
套餐價錢以銅鑼灣嚟講叫正常。
原本係為窩夫而嚟,
不過入嚟前見入口附近嘅沙律吧好似唔錯,
就決定試埋佢。
呢度嘅沙律餐有大細之分,
我哋叫咗細嗰份,
可以揀三款口味。
但肉質唔嚡,
另外有粟米、車厘茄同藜麥,
既健康又有咬口。
脆煙肉薯仔沙律嘅薯仔表面沾咗啲醬汁同煙肉碎,
食落軟腍惹味。
煙肉羽衣甘藍沙律嘅煙肉切成片狀,
咬起嚟香脆同有油香少少,
羽衣甘藍就爽口同有微微甘澀,
營養價值又高,
感覺都幾清新醒胃。
原味窩夫伴鮮果及雪糕,
窩夫外脆內鬆軟幾香口,
食嗰陣暖暖哋,
伴碟嘅藍莓、切粒青蘋果同士多啤梨酸酸甜甜咁,
再配埋呍呢嗱雪糕一冷一熱咁口感都唔錯。
沒有留言:
張貼留言