譚仔三哥 - 返唔到轉頭

呢晚又外賣譚仔三哥返去食，
以前多數會叫三哥酸辣，
但自從食過煳辣之後就返唔到轉頭，
鍾意佢唔係一味嘅辣，
每一口都有多重香料嘅味道，
湯底嘅質感亦比其他口味嚟得濃郁。

每碗米線入面本身已經有韭菜、芽菜同腐皮，
另外仲加咗腩肉、木耳絲同冬菇，
呢次嘅腩肉肥膏部位明顯，
口感仍然脆身軟嫩，
木耳絲同冬菇就爽腍，
加咗佢哋之後令湯底仲鮮味。

另外仲買咗份大嘅土匪雞翼，
表面沾滿調味料，
賣相黝黑唔太討好，
食落就外脆內有肉汁，
味香微辣。