必發茶餐廳 - 下午茶餐

附近有好多間茶餐廳，
最後入咗呢間。

入面有卡位亦有室外座，
同好多港式茶餐廳相同。



啱啱好係下午茶時段，
套餐價錢由廿幾到四十幾不等，
兼有廿多款選擇。



我叫咗下午茶餐入面嘅炸雞髀配沙律，
沙律有罐頭雜果、青瓜、西芹、胡蘿蔔等等酸酸甜甜咁。
炸雞髀大小適中，
外皮炸得非常非常非常脆卜卜，
雞肉都算嫩滑，
調味稍重，
配沙律食就可以中和一下。

朋友叫咗午餐嘅鴨腿湯飯，
白飯另上。
浸晌湯入面嘅係鴨背同鴨頭，
而唔係餐牌所聲稱嘅鴨腿，
鴨肉嘅比例亦比較少，
另有菜心跟埋，
味道就普普通通。

熱奶茶茶味同奶茶都唔算話好香，
不過都OK。