魚蛋佬 - 惹味醬汁

好鍾意太安樓呢個地方，
雲集咗多間小店式食肆，
食物都係外賣嘅小食為主，
咁就可以一口氣掃幾間，
感覺就似香港版嘅士林夜市咁。

聽過人哋話魚蛋佬嘅醬汁唔錯，
甚至比食物本身仲出色。
不過之前唔知係唔係因為太夜嚟定其他原因，
每次都係閂咗門嘅，
呢日早咗少少嚟，
咁就買咗一串魚蛋食下，
六蚊有五粒都算係平。



魚蛋中等身形，
食落比較軟綿，
冇彈牙口感，
但質感唔錯。
醬汁濃稠同埋均勻咁沾晌表面，
微辣惹味，
食完都冇太重嘅口渴感，
唔算非常出眾，
但過一過口癮都唔錯。