麥當勞 - PIE DAY

最近麥當勞嘅香芋批又再次登場，
晌咁多款曾經推出過嘅新口味炸批之中，
佢都可以算得上係最討我歡心嘅款式之一嚟。

拎上手嘅時候仲係熱辣辣，
批嘅外層炸得好脆卜卜，
內層嘅餡料就比較杰身但又有少少流心嘅質感，
而且每咬一啖都可以食到口感軟綿綿嘅切粒香芋肉，
味道甜甜蜜蜜咁都幾唔錯。

我係晌3月14號PIE DAY嗰日買嘅，
除咗比平時平好多之外，
仲隨批跟埋一張印咗QR Code嘅貼紙，
可以自己晌網上面揀返個Pie Message嚟送俾人，
都幾好玩呀。