榮耀餐廳 - 價錢唔太貴

夜晚去試榮耀餐廳，
佢哋嘅面積唔算大，
有少少港式嘅感覺，
但環境乾淨企理。



叫咗啲嘢食再轉套餐，
是日餐湯係甘筍薯仔忌廉湯，
上面有幾粒麵包粒，
湯嘅質地濃稠飲落香甜。



之後就係白酒清煮藍青口，
藍青口用咗白酒、洋蔥、蒜蓉等等一齊煮，
肉質唔韌同埋都幾香口。

番茄肉醬意粉當中嘅肉醬加咗番茄粒、洋蔥、蒜蓉同香草等等，
份量唔少，
肉碎比醬汁仲要多，
意粉煮得唔軟唔硬，
同肉醬撈埋一齊食感覺唔錯。



最後飲埋熱檸檬茶，
咁就啱啱好喇。