by AR HA...
6/11/2016
正宗山西刀削麵店 - 都唔錯
去呢類地方都預咗環境唔會太好,去到都幾爆,好彩咁啱有人走唔洗等。
揀咗牛腩豬大腸刀削麵,牛腩入味,有啲肥膏又唔係成口油嗰隻,豬大腸係因為見有人話好食就叫嚟食吓,冇腥臭味,鹵得幾腍之餘仲有爽脆口感。
呢間話刀削麵係即叫即削,呢種麵比平日啲麵多凹凸位,咁就可以帶多啲湯,但夾起嗰時好易晌筷子之間滑出嚟,所以一定要用支匙羹輔助先食到。
湯底方面都幾濃,有啲鹹不過我都接受到,只係浮晌面啲油有啲嚇人,都係適宜久唔久食一兩次咋。
較新的文章
較舊的文章
首頁
訂閱:
文章 (Atom)